""

Friday, October 1, 2010

PELAN BANGUNAN



TRy ur best to read n understand this dialog...If u dont understand lorrr try jer under the stand..if u stil dont understand ...muahaha...get some 1 sexpext from kelantan to xplain....

please read it with the dialek ok ahaak baru funnnnnnnnnn

Kontraktor : Ambo nok mitok keluluse buak ghumoh, lagu mano caghonyo?
Pegawai : Lagu ni, mulo-mulo wak pele (pelan) dulu.
Kontraktor : Pele? Ambo ado! Ambo bowok!
Pegawai b : Mano, wak tubik la, kawe nok tengok.
Kontraktor : Errrr! Tok leh! Tok Leh!
Pegawai : Wak po tok lehnyo!, Cepak la wak tubik!
Kontraktor : Kalu tok tengok tok leh ko?
Pegawai : Tok leh bakponyo kawe nok tengok, pah tu nok luluh kalu takdok gapo-gapo hok langgar syarat.
Kontraktor : Eh! Ambo ghoyak doh, ambo sege benar.
Pegawai : Malu bakponyo! Pah tu bawok pele mari sajo?
Kontraktor : Ehhh! malu nak ghoyak, pele ambo kecik!
Pegawai : Laa! Kecik pun tak po, kalu cukup syarat! Kalu tak tunjuk, kawe nok sain luluh lagu mano?
Kontraktor rumah : Nak wak tubik tunjuk kat mano? oghe ramai ni! Malu ambo! Malu weh!
Pegawai : La...tak po! Nok malu gapo demonyo! Wak tubik atah mejo kauntar ni! Cepak la kawe ado kijo lain lagi nih! Sibuk benar ni! Keno pehe la!
Kontraktor : Nah! Ambo wak tubik ni hoh! Cepakla tengok!
Pegawai : Laaa! (terkejut), buke pele ni!
Kontraktor : Tu la! ambo ghoyak doh tadi ke?Pele ambo kecik! Mu nok tengok jugok!
Pegawai : Laaaaaa! Buke pasal kecik besarnyo!, maksud kawe Pele Bangune (Pelan Bangunan).
Kontraktor : La! Ambo ingak pele nie! Kalu pele bangune, ado lo dale beg nie! Tok ghoyak pun pele bangune! Mano ambo tahu!
Pegawai : Kawe ingak demo pehe! Hok dok mari doh pun tok penoh jadi lagu nie! Dok mano demo?
Kontraktor : Gua Muse!

1 comment:

si biskut said...

dok klate samo pon tak pehe gak..aduhai..lagu ni pon ado gak.haha

Related Posts Plugin for WordPress, Blogger...